Deputetët e zgjedhur të Kuvendit të Kosovës do të rikthehen në sallën plenare të shtunën, vetëm një ditë pas festës së Kurban Bajramit, në një tjetër përpjekje për konstituimin e legjislaturës së re.
Edhe pse pritet një seancë e rëndësishme për formimin e institucioneve të reja, kryeministri në detyrë, Albin Kurti, u pa duke hyrë në Kuvend nga një hyrje anësore, e cila rrallëherë përdoret nga zyrtarët e lartë.
Kurti, ashtu si edhe në rastet e kaluara, zgjodhi të mos komunikojë me gazetarët, duke mos dhënë asnjë prononcim dhe duke shmangur paraqitjen para kamerave.