Në prag të përballjes së shumëpritur mes Shqipërisë dhe Serbisë, që zhvillohet sonte në stadiumin “Air Albania” në Tiranë, një reagim i veçantë ka ardhur edhe nga fituesja e Big Brother VIP Albania 3, Egla Ceno.
Përmes një postimi në Instagram, ajo ka bërë thirrje për qetësi dhe maturi, duke theksuar rëndësinë e ruajtjes së qytetarisë në një ngjarje sportive që ngjall emocione të forta historike dhe kombëtare.
“Serbët na kanë lënduar vëllezërit Kosovarë, por ju lutem mos ngatërroni artin dhe sportin me politikën (politika iz ë biç)”, ka shkruar Egla në stilin e saj të drejtpërdrejtë dhe të njohur për publikun.
Ajo ka apeluar që shqiptarët të tregojnë pjekuri dhe mikpritje, duke shmangur çdo veprim që mund të perceptohet si provokim. Në reagimin e saj, ajo përmend edhe simbolikën e shqiponjës, e cila ka qenë shpesh burim polemikash në ndeshjet mes dy vendeve, duke kërkuar që të evitohen gjeste që mund të ushqejnë tensione apo keqkuptime.
“Ne jemi Shqipe! Forca me fitore Shqipëri!”, ka përfunduar Ceno, duke e shoqëruar mesazhin me këngën “Xhamadani Vija Vija” në sfond.
