Reperi i njohur Ledri Vula ka qenë së fundmi i ftuar në emisionin “Pushime On Top” me moderatorin Eni Shehu, ku përveç projekteve të tij muzikore, ka ndarë edhe mendimet e tij për disa prej artistëve në skenën shqiptare.
Gjatë intervistës, Ledri ka përmendur me simpati Gjestin, duke e vlerësuar për stilin e tij të veçantë dhe energjinë që transmeton në muzikë.
“Kisha pasur dëshirë të shkoja në studio me të, vetëm të shoh si energji. Mënyra si punon, i ka disa këngë shumë të mira”, tha Ledri, duke lënë të hapur mundësinë e një bashkëpunimi të ardhshëm me të.
Kjo deklaratë vjen në një kohë kur shumë artistë të njohur po hapin dyert për talente të reja, duke e pasuruar tregun muzikor me prurje të freskëta dhe dinamike.
Pa shumë hezitim, ai u përgjigj shkurtimisht: “Me Jozin, jo”.
Edhe pse nuk dha më shumë detaje për këtë përgjigje të prerë, refuzimi i qartë ka ngjallur diskutime në rrjet.
Intervista e Ledrit ka reflektuar një anë të sinqertë dhe të drejtpërdrejtë të tij, ku ai nuk nguron të shprehë hapur opinionet për kolegët dhe skenën muzikore shqiptare në tërësi.