Aleanca për Ardhmërinë e Kosovës (AAK) ka thirrur për të hënën një mbledhje të Këshillit të Përgjithshëm, ku pritet të zyrtarizohen të gjitha kandidaturat për kryetarë komunash në zgjedhjet lokale që do të mbahen më 12 tetor.
AAK-ja ka bërë tashmë publike një pjesë të kandidatëve të saj në disa nga komunat kryesore të vendit, njofton Telenews.al
Në komunat ku aktualisht udhëheq; Gjakovë, Klinë, Suharekë, Rahovec dhe Deçan, kryetarët aktualë do të garojnë për një mandat të ri katërvjeçar, duke kërkuar vazhdimësinë e qeverisjes.
Ndërkohë, partia ka emëruar si kandidatë për komunat e tjera: Ali Berisha në Pejë, Bekë Berisha në Prishtinë, Nazim Gagica në Gjilan, Besnik Krasniqi në Prizren, Xhemile Murati në Ferizaj, Qazim Nimani në Mitrovicë, Faton Jakupi në Kamenicë, Agron Kuçi në Junik, Ukë Blakaj në Istog, Vildane Latifi në Fushë Kosovë, Baki Feta në Podujevë, Labinot Bislimi në Viti dhe Ilir Tasholli në Lipjan.