Është arrestuar zyrtari i Aeroportit Ndërkombëtar të Prishtinës “Adem Jashari”, i cili ishte me detyrë në kontrollin e X-Rej, pasi sipas policisë, ai dyshohet se ka lejuar një qytetar të kalojë me një fishek 9 milimetërsh.
Sipas policisë, rasti ka ndodhur të enjten e 10 korrikut, rreth orës 10:50.
“Është arrestuar i dyshuari mashkull kosovar, punëtor i ANP-së (me detyrë në kontrollin X-Rej) pasi që ka lejuar një qytetar të kalojë me një fishek 9 mm. Me vendim të prokurorit i dyshuari është dërguar në mbajtje”, thuhet në raportin e policisë.