Kenan Gashi nga “Avonet” ka thënë se kryetari aktual i Ferizajt, Agim Aliu i cili synon edhe një mandat pas zgjedhjeve lokale të 12 tetorit, gëzon mbështetje të madhe nga qytetarët.
Ai ka thënë se pavarësisht se ka qenë kritik ndaj punës së tij, ka një mendim se për këtë komunë edhe po të kandidonte Albin Kurti, Aliu do të fitonte pa balotazh.
“Mu ka krijua një përshtypje se me kandidua edhe Albin Kurti për kryetar të Ferizajt, Agim Aliu është në gjendje me mund pa balotazh. Asi elektorati, aq mbështetje ka prej qytetarëve. E ka gjet çelësin e mirë në shërbim. Ju ka dhënë njerëzve edhe një mundësi të infrastrukturës , atraktiviteti që ka zhvillua në këto projekte”, ka thënë Gashi në emisionin “Këndi i Debatit” në Tëvë1.