Bedri Hamza nga Partia Demokratike e Kosovës, ka prezantuar listën e kandidatëve të PDK-së për asamble komunale për zgjedhjet e 12 tetorit.
Ai ka bërë me dije se lista e kandidatëve të PDK-së në Mitrovicë përfaqëson denjësisht çdo lagje, çdo fshat dhe çdo qytetar.
Hamza ka lavdëruar edhe kandidatin e PDK-së për kryetar të Mitrovicës, Arian Tahiri, i cili gjatë këtij mandati ka qenë nënkryetar i tij.
Sipas tij, Mitrovica duhet të udhëhiqet nga Arian Tahiri.
“Lista e kandidatëve të PDK-së në Mitrovicë përfaqëson denjësisht çdo lagje, çdo fshat, çdo grupmoshë dhe çdo qytetar. Është një listë me emra premtues, me plot integritet, përvojë e profesionalizëm, që me ndershmëri do t’i shërbejnë qytetit tonë. Mitrovica duhet të udhëhiqet nga njerëzit që e ndjejnë këtë qytet! Mitrovica duhet të udhëhiqet nga Arian Tahiri, i cili qytetin e ka në zemër dhe qytetarin në mendje! Ecim përpara së bashku!”, ka shkruar Hamza.