Policia e Kosovës ka njoftuar se sot do të mbahet një ceremoni homazh pranë pllakës përkujtimore kushtuar tij në zonën e Dardanisë të Prishtinës, në vendin ku u vra shefi i Policisë Triumf Riza.
Policia njoftoi gjithashtu se gjatë kësaj ceremonie do të vendoset guri themeltar i memorialit, i cili do të ndërtohet si simbol nderimi dhe përkujtimi për veprën e tij.
Posta:
Sot, më 30.08.2025, nga ora 10:00, do të mbahet një ceremoni përkujtimore pranë pllakës përkujtimore kushtuar tij në zonën e Dardanisë të Prishtinës, në vendin ku ra në krye të detyrës oficeri i policisë Triumf Riza.
Gjatë kësaj ceremonie, do të vendoset edhe guri themeltar i memorialit, i cili do të ndërtohet si simbol nderimi dhe kujtimi për veprën e tij dhe të sakrificës së të gjithë oficerëve të policisë që kanë dhënë jetën në krye të detyrës.
Në ceremoni pritet të marrin pjesë zyrtarë të lartë shtetërorë, përfshirë: Kryeministrin në detyrë të Republikës së Kosovës, Albin Kurti, Ministrin në detyrë të Brendshëm, Xhelal Sveçla, Drejtorin e Përgjithshëm të Policisë së Kosovës, Kolonel Gazmend Hoxha, si dhe eprorë të Policisë së Kosovës.
Data: 30 gusht 2025
Ora: 10:00
Vendndodhja: Lagjja Dardania – Prishtina
Mediat janë të ftuara të marrin pjesë dhe të mbulojnë këtë ceremoni homazhi.