Rreth 40 kilogramë duhan në Kaçanik janë kapur nga Policia e Kosovës dhe arrestuar dy persona.
Në njoftimin e policisë bëhet e ditur se persona “po qarkullonin në mënyrë të dyshimtë” dhe se gjatë kontrollit të automjetit, u vërtetua që duhani nuk kishte dokumente përcjellëse.
Pas verifikimeve fillestare, policia ka arrestuar të dyshuarit dhe ka sekuestruar duhanin. Në konsultim me prokurorin kompetent, dy personat janë liruar pas intervistimit, ndërsa vetura u është kthyer.
Duhani i konfiskuar është dorëzuar tek Dogana e Kosovës për procedura të mëtejshme ligjore dhe hetimore.