Derë më derë, nga një biznes te tjetri e nga një lagje në tjetrën — kandidati për kryetar të komunës së Fushë Kosovës nga Lidhja Demokratike e Kosovës, Besnik Osmani po vazhdon me përkushtim prezantimin e programit të tij qeverisës.
Sot, Osmani ka vizituar disa biznese të suksesshme që operojnë në fusha të ndryshme, nga shërbimet tregtare deri te metalpërpunimi dhe prodhimi i ngjyrave, të cilat punësojnë qytetarë nga komuna dhe eksportojnë produktet e tyre jashtë vendit.
Ai u shpreh krenar për punën dhe përkushtimin e këtyre sipërmarrësve, duke theksuar se mbështetja për bizneset lokale është thelbësore për rritjen ekonomike të Fushë Kosovës.
“Fushë Kosova ka energji, kreativitet dhe njerëz punëtorë. Ne do t’i mbështesim që të ecim PËRTEJ,” tha Osmani.