Rokeri i njohur nga Ferizaj, Mentor Haziri, i cili është bërë i njohur për hitet e tij si “Engjëll”, “Mundohem ta harroj” dhe “Diçka”, mund të jetë një nga emrat që do të futet sivjet në Big Brother VIP Kosova.
Haziri duket se ka vendosur të provojë veten në edicionin e katërt të këtij formati të njohur, që do ta rikthejë në vëmendje pas shumë viteve në muzikë.
Sipas burimeve të Telegrafit pranë produksionit, aventura e Big Brother VIP Kosova 4 pritet të nisë në fund të nëntorit, duke shtuar kështu pritshmëritë dhe kureshtjen e publikut për përbërjen e banorëve këtë vit.