Dy perona kanë mbetur të plagosur nga të shtënat me armë në Pejë.
Kështu ka konfirmuar zëdhënësi i Policisë për rajonin e Pejës, Fadil Gashi.
Ai tha se të lënduarit janë dërguar për tretman në spital, derisa sipas tij, një i dyshuar është arrestuar.
“Sot rreth orës 16:10, pranë Gjykatës Themelore në Pejë (rruga “Hasan Murati”) ka pasur të shtëna me armë. Nga ngjarja janë lënduar dy persona, ndërsa një i dyshuar është arrestuar. Të lënduarit ndodhen në spital për trajtim”.
“Njësitet kompetente, hetuesit dhe prokurori janë në vendngjarje dhe po merren me rastin”, tha ai.