Nesër në Kosovë pritet mot me vranësira të herëpashershme dhe intervale me diell.
Gjatë ditës do të ketë ngritje të dukshme të temperaturave, si pasojë e rrezeve diellore dhe rrymave të ngrohta ajrore që vijnë nga jugu.
Era do të fryjë kryesisht nga drejtimi jugperëndimor, ndërsa në orët e hershme të së premtes parashihet kalimi i një fronti të vranësirave, i cili do të sjellë reshje lokale shiu, të shoqëruara me vetëtima dhe bubullimë në disa zona.