Deputeti Hekuran Murati ka zgjatur kokën për të parë nëse kryeministri në detyrë, Albin Kurti që është edhe mandatar për formimin e qeverisë, është nisur drejt sallës së Kuvendit pas vonesës së tij mbi 40 minutëshe.
Seanca është paraparë të nisë me fillim nga ora 10:00, por të gjithë janë në pritje të mandatarit Kurti.
Deputetët e legjislaturës së nëntë, të dalë nga zgjedhjet e 9 shkurtit 2025 janë mbledhur sot për të vendosur për fatin e ekzekutivit.
Mbetet të shihet nëse kryetari i Lëvizjes Vetëvendosjes, Albin Kurti ka arritur t’i mbledhë votat për formimin e qeverisë së re.