Kandidati i Lidhjes Demokratike të Kosovës për kryetar të Komunës së Fushë Kosovës, Besnik Osmani, ka vazhduar mbrëmjen e sontme me takime të shumta me banorë të lagjeve dhe me aktivistët e subjektit.
Gjatë këtyre takimeve, Osmani ka prezantuar projektet konkrete që po mirëpriten gjerësisht nga qytetarët, duke theksuar se ato janë të realizueshme dhe do të ndikojnë drejtpërdrejt në përmirësimin e jetës së përditshme të banorëve.
Ai theksoi se pas fitores së së dielës, prioritet do të jetë formimi i një ekipi menaxherial me kompetencë profesionale, i cili do të zbatojë me përkushtim projektet e prezantuara.
Osmani dhe ekipi i tij janë duke intensifikuar takimet me qytetarët në prag të ditës së zgjedhjeve, me moton “113 – numri i fitores”.