Sot bëhen gjashtë vjet nga tërmeti shkatërrues që goditi Shqipërinë, duke marrë jetën e 51 personave dhe duke lënë qindra e mijëra të tjerë pa banesa.
Në mesin e viktimave ishin edhe tetë fëmijë.
Dy nga zonat më të goditura ishin Durrësi dhe Thumana, ku u regjistrua edhe numri më i madh i jetëve të humbura.
Kujtojmë se tërmeti i 26 nëntorit 2019 shkaktoi dëme të mëdha materiale dhe shembjen e qindra banesave, duke lënë të pastrehë shumë banorë në disa zona të Durrësit, Fushë-Krujës, Laçit, Lezhës dhe Tiranës.