Partisë Demokratike të Kosovës i është bashkuar sot profesori i asociuar në Universitetin e Prishtinës, Gëzim Qerimi.
Lajmin e ka bërë të ditur kryetari i PDK-së, Bedri Hamza, i cili ka njoftuar për pranimin e tij në parti.
“Në ekipin tonë e mirëpritëm dr. Gëzim Qerimin, profesor i asociuar në Universitetin e Prishtinës. Ai ka mbi 17 vjet përvojë në mësimdhënie universitare dhe 13 vjet angazhim në institucionet e sigurisë dhe mbrojtjes”, ka shkruar Hamza.
Ai ka shtuar se, përveç përvojës së tij të gjerë profesionale, Qerimi është autor i shumë punimeve shkencore të botuara në revista ndërkombëtare dhe se më herët ka qenë edhe lider studentor.
“Mirë se erdhe, Gëzim!”, ka përfunduar Hamza.