Mesfushori argjentinas, Franco Mastantuono, po shqyrton mundësinë e një huazimi gjashtëmujor nga Real Madridi, me qëllim që të rrisë shanset për Kupën e Botës 2026.
Sipas mediumit spanjoll, El Nacional, ylli i ri argjentinas po konsideron seriozisht një largim afatshkurtër gjatë gjysmës së dytë të sezonit.
Mastantuono synon të sigurojë minuta të rregullta loje, për të mbetur pjesë e planeve të trajnerit Lionel Scaloni për Kombëtaren e Argjentinës dhe për të përmirësuar gjasat e tij për pjesëmarrje në Botërorin e vitit 2026.
Burime pranë lojtarit bëjnë të ditur se opsioni i huazimit për gjashtë muaj shihet si një hap strategjik, i orientuar drejt zhvillimit personal dhe konkurrencës në nivele të larta.
Ky vendim nuk lidhet me mungesë besimi te e ardhmja e tij te “Santiago Bernabeu”, pasi Mastantuono vazhdon të konsiderohet një investim afatgjatë i Real Madridit.