Kombëtarja e Kosovës ka shënuar një arritje historike në renditjen më të fundit të FIFA-s, duke përfunduar vitin 2025 në vendin e 80-të në botë, që është pozita më e lartë në historinë e saj që nga prania në ranglistë.
Ky sukses vjen pas rezultateve të shkëlqyera në kualifikimet për Kupën e Botës 2026, ku Kosova doli e dyta në grup pas Zvicrës, duke lënë pas Slloveninë dhe Suedinë me paraqitje të forta gjatë vitit.
Renditja e re tregon se Kosova ka arritur një rritje të konsiderueshme gjatë vitit, me 19 vende më shumë se vitin e kaluar, duke reflektuar një sezon fytyrëngritës për ekipin kombëtar.
Përveç kësaj, kjo pozitë e historike do të ndikojë edhe në ndarjen e “potëve” për ndeshjet e plejofit të Kupës së Botës, ku Kosova do të përballet me Sllovakinë në gjysmëfinale, më 26 mars 2026.
Në nivel global, ekipi spanjoll kryeson renditjen e FIFA-s, me Argjentinën, Francën, Anglinë dhe Brazilin pas saj, por historia e vitit për Kosovën mbetet arritja e saj më e madhe deri tani në skenën ndërkombëtare të futbollit.