Imazhet e reja satelitore nga Maxar Technologies tregojnë se trupat e civilëve të vdekur në Bucha kishin mbetur të shtrirë në rrugë për javë të tëra, duke përfshirë edhe kohën kur qyteti ishte nën kontrollin rus.
“New York Times” publikoi për herë të parë këto imazhe të hënën.
Videoja shqetësuese që tregon trupat në Bucha u gjet në bazë të koordinatave, u vërtetua dhe u raportua nga CNN të premten. Ajo u publikua në të njëjtën ditë kur Ukraina e shpalli qytetin të çliruar nga trupat ruse.
KUJDES, PAMJET JANË TË RËNDA!
Pas pamjeve nga Bucha të publikuara të shtunën, Ministria e Mbrojtjes në Rusi pretendoi se videoja ishte “e rreme” dhe “e inskenuar”.
“Gjatë kohës që vendbanimi ishte nën kontrollin e forcave të armatosura ruse, asnjë banor vendas nuk është përballur me ndonjë veprim të dhunshëm”, tha kjo ministri.