Një zjarr i fuqishëm ka shpërthyer në një ndërtesë në qytetin holandez të Utrechtit.
Sipas raporteve, të paktën katër persona kanë pësuar lëndime si pasojë e incidentit, i cili ndodhi pranë rrugicës Visscherssteeg, në qendër të qytetit.
Shkaku i zjarrit ende nuk është zbuluar. Autoritetet lokale të sigurisë njoftuan për dëme të konsiderueshme dhe theksuan se ka mundësi që disa persona të jenë ende nën rrënojat e ndërtesës.
Një dëshmitar okular tha se kishin dëgjuar një zhurmë të madhe dhe se “gjithçka në rrugicë ishte shkatërruar”.
Njerëz të tjerë thanë se muret dhe dritaret e disa ndërtesave u shembën dhe shumë dyqane aty pranë u dëmtuan.
Banorët vendas janë evakuuar, ndërsa publikut i është këshilluar të qëndrojë larg zonës.