Komisioni Qendror i Zgjedhjeve do të mblidhet sot, aty ku në mesin e shtatë pikave të parapara në rend dite është edhe rekomandimi për pezullimin e partisë Aleanca Kosova e Re (AKR).
Gjithashtu në këtë mbledhje që pritet të nis nga ora 13:30, si pikë e rendit të ditës është edhe shqyrtimi dhe miratimi i Planit të Punës së KQZ për vitin 2026.
Gjithashtu, në këtë takim parashihet të bëhet shqyrtimi dhe miratimi i Planit të Prokurimit të KQZ për këtë vit si dhe shqyrtimi dhe miratimi i kërkesave për zëvendësimin e anëtarëve të kuvendit komunal në Istog.
Në këtë mbledhje të Komisionit Qendror të Zgjedhjeve do të bëhet edhe vlerësimi i rezultateve në punë për vitin e shkuar për ushtruesin e detyrës së drejtorit të Sekretariatit të KQZ, zëdhënësin e KQZ-së, si dhe për auditorin e brendshëm.