Lidhja Demokratike e Kosovës njoftoi se do të mbajë konferencë për media te salla e Grupit Parlamentar të LDK-së, në Kuvendin e Kosovës.
Konferenca është njoftuar të fillojë në orën 14:30.
“Folës në këtë konferencë do të jetë deputeti Besian Mustafa, i cili do të flasë lidhur me propozimin e LDK-së në Komisionin për Buxhet” thuhet në njoftimin e partisë.
Më herët, në Komisionin për Buxhet, Mustafa propozoi që në rendin e ditës të shtohen edhe tri pika shtesë, përfshirë diskutimin për pagën e 13-të dhe çmimet e derivateve të naftës.
Por, këto pika nuk u futën në rend të ditës, pasi me tre vota për, asnjë kundër dhe pesë abstenime, kjo kërkesë u hodh poshtë.