Dogana e Kosovës ka njoftuar se në Pikën e Kalimit Kufitar Vërmicë është ndaluar një automjet me targa të huaja, i cili gjatë kontrollit të detajuar u konstatuan mallra të padeklaruara me vlerë të përafërt rreth 1,500 euro.
Sipas Doganës, drejtuesi i automjetit ishte pyetur nëse kishte mallra për deklarim dhe kishte deklaruar se nuk posedon asgjë. Megjithatë, bazuar në analizën e riskut dhe në bashkëpunim me zyrtarët policorë, automjeti u dërgua për kontroll në vijën e dytë, ku u gjetën mallrat e padeklaruara.
Personi përgjegjës, një shtetas i huaj, është proceduar në përputhje me legjislacionin në fuqi, ndërsa ndaj rastit janë ndërmarrë të gjitha veprimet ligjore të nevojshme.