Një aksident është regjistruar sot rreth orës 12:24 në aksin rrugor Gjilan-Kamenicë, ku janë përfshirë dy kamionë.
Zëdhënësi i policisë për rajonin e Gjilanit, Valon Osmani, tha se përveç dëmeve materiale, dy persona kanë pësuar lëndime dhe janë dërguar në Qendrën Emergjente në Gjilan për trajtim mjekësor.
“Aktualisht njëra korsi e rrugës është e bllokuar për qarkullim të automjeteve si pasojë e aksidentit”, u shpreh Osmani.
Tutje ai the se njësitet policore dhe ekipet relevante ndodhen në vendin e ngjarjes dhe janë duke ndërmarr veprimet e nevojshme për lirimin e rrugës për qarkullim.