Kryetari i Komisionit Qendror të Zgjedhjeve, Kreshnik Radoniqi, ka deklaruar se përgatitjet për zgjedhje kërkojnë kohë dhe se procesi nuk është i lehtë, ndërsa ka theksuar se data më e mundshme për mbajtjen e tyre është 7 qershori.
Ai ka bërë të ditur se çështja e buxhetit për zgjedhjet ende nuk është shqyrtuar në KQZ.
“Sa më vonë. Çështje e buxhetit ende nuk është diskutuar në KQZ, po besoj do të jetë përafërsisht si zgjedhjet e kaluara. Na nevojitet përgatitje, nuk është proces i lehtë… Dy data 31 maj ose 7 qershor, kështu që për mendimin tonë është 7 qershori, por prapë le t’i mbetet presidentes”, ka thënë ai pas takimit me ushtruesen e detyrës së presidentes, Albulena Haxhiu.