Në mediumet italiane është konfirmuar interesimi i klubit Bologna për mbrojtësin e Kosovës, Dion Gallapeni.
21-vjeçari, i cili është futbollist i Widzew Lodz por i huazuar te Wisla Plock, shihet si zëvendësues i Charalampos Lykogiannis në krahun e majtë të mbrojtjes.
Kështu ka raportuar “Resto del Carlino”, sipas të cilit medium Bologna ka kërkuar informacione fillestare në lidhje me mbrojtësin e Kosovës.
Gallapeni ka shkëlqyer me Kosovën në ndeshjet kualifikuese për Botërorin 2026, ndërsa karakterizohet për lojë të sigurt me top dhe vrapime të shumta në krahun e majtë. Ai me Kosovën i ka 11 paraqitje, ndërsa në këtë edicion ka një gol të shënuar dhe tri asistime në nivel klubesh në Poloni.
Faqja që merret me transferime të lojtarëve “transfermarkt” e vlerëson Gallapenin me 2.5 milionë euro.