Partia Socialdemokrate ka zhvilluar të martën një aksion simbolik përballë Kuvendit të Kosovës, në sheshin “Ibrahim Rugova”, në kuadër të aktiviteteve politike që po i paraprijnë nisjes së fushatës zgjedhore.
Në aksion morën pjesë aktivistë dhe zyrtarë të partisë, ndërsa u panë pankarta dhe mesazhe politike drejtuar institucioneve.
Ditëve të fundit, partia e udhëhequr nga Dardan Molliqaj ka intensifikuar aktivitetet në terren, me paraqitje publike dhe aksione simbolike në kryeqytet.
Nga PSD-ja kanë thënë se synojnë të ngrisin tema që, sipas tyre, janë lënë anash nga partitë e tjera politike.