Një person është gjetur pa shenja jete këtë të hënë në një fshat të Skenderajt, kanë bërë të ditur autoritetet policore.
Sipas njoftimit, rreth orës 12:40 policia ka pranuar informacion se një person dyshohej se ishte pa shenja jete afër vendbanimit të tij.
Menjëherë pas marrjes së njoftimit, njësitë policore dhe ekipi i emergjencës nga QKMF-ja në Skenderaj kanë dalë në vendin e ngjarjes.
Mjeku kujdestar ka konstatuar vdekjen e viktimës, mashkull, 56 vjeç.
Në vendin e ngjarjes kanë dalë njësitë kompetente dhe hetuesit policorë, të cilët me autorizim të prokurorit kanë nisur hetimet për sqarimin e plotë të rrethanave të rastit.
Me urdhër të prokurorit, trupi i pajetë është dërguar në Instituti i Mjekësisë Ligjore për obduksion, ndërsa rasti është iniciuar si “Hetim mbi vdekjen”.