Xhiro 27 e elitës së basketbollit të Kosovës mbyllet sonte në Rahovec.
Dy skuadrat që viteve të fundit kanë krijuar rivalitet të madh, Rahoveci dhe Ylli takohen në ”Mizahir Isma”. Fitorja vlen shumë për Rahovecin e Ylli luan sa për prestigj.
Vreshtarët kanë 11 fitore e 15 humbje, kurse therandasit kanë 20 fitore e gjashtë humbje. Rahovecasit ndodhen në vendin e gjashtë, kurse kampioni aktual tashmë e ka siguruar në vendin e parë.
Ndeshja nis nga ora 20:30 dhe transmetohet në Artmotion.