Kandidati për kryeministër nga Lidhja Demokratike e Kosovës, Lumir Abdixhiku, ka ushtruar të drejtën e tij të votës.
Ai, pas votimit, u ka bërë thirrje qytetarëve që të dalin dhe të votojnë masivisht.
“Zgjedhjet janë festë e demokracisë, vullnetit të lirë të popullit të Kosovës. Kosova organizon zgjedhje të mira, të mbara dhe demokratike. Sot vendoset fati i Republikës për katër vitet e ardhshme. Pres pjesëmarrje masive të popullit të Kosovës”, ka thënë ai.