Një rast i trafikimit të lëndëve narkotike është zbuluar në Aeroportin “Nënë Tereza”, ku gjatë kontrolleve janë sekuestruar 46 kilogramë lëndë e dyshuar narkotike.
Sipas njoftimit, gjatë kontrollit me skaner të bagazheve të pasagjerëve në një fluturim me itinerar Toronto–Rinas, janë identifikuar dy valixhe që kanë ngjallur dyshime për përmbajtje të kundërligjshme.
Më pas, pas kontrollit fizik të kryer në prani të poseduesve të bagazheve, janë gjetur dhe sekuestruar 46 kilogramë lëndë e dyshuar narkotike e llojit Cannabis sativa, të ndara në 89 paketime.
Rasti po ndiqet nga strukturat kompetente të Policisë së Shtetit, të cilat po vijojnë veprimet procedurale dhe hetimore.
