Sekretari amerikan i Shtetit Antony Blinken u tha gazetarëve të hënën se Rusia “po dështon në Ukrainë” dhe se “Ukraina po ka suksel”.
“Rusia ka kërkuar si synim të saj të heqë sovranitetin (Ukrainës), t’i heqë pavarësinë e saj. Kjo ka dështuar”, tha Blinken gjatë një konference shtypi në një vend të pazbuluar pranë kufirit polako-ukrainas.
“Ajo u përpoq të pohonte fuqinë e ushtrisë së saj, ekonominë e saj. Ne sigurisht që po shohim pikërisht të kundërtën.
“Ne nuk e dimë se si do të zhvillohet pjesa tjetër e kësaj lufte, por ne e dimë se një Ukrainë sovrane e pavarur do të jetë shumë më e gjatë se sa është Vladimir Putini në skenë”, raporton CNN.
Blinken dhe sekretari i Mbrojtjes Lloyd Austin takuan presidentin ukrainas Volodymyr Zelensky dhe zyrtarë të tjerë ukrainas në Kiev të dielën, duke i bërë ata zyrtarët e nivelit më të lartë amerikan që kanë udhëtuar në vend që nga fillimi i pushtimit rus.