Kryeministri në detyrë, Albin Kurti, dhe kreu i PDK-së, Bedri Hamza, pritet të takohen sot.
Takimi do të zhvillohet pasditen e kësaj të premteje.
Ndërsa në fokus të diskutimeve pritet të jenë projektligji për ndryshimin e Ligjit për Dhomat e Specializuara dhe çështja e zgjedhjes së presidentit.
Shefi i ekzekutivit, Albin Kurti, tashmë ka konfirmuar se ka nisur komunikimet për një zgjidhje në këto ditë vendimtare.
Ndërkohë, që për zgjedhjen e presidentit kanë mbetur edhe pesë ditë afat.
Se cili do të jetë epilogu i takimit mes dy liderëve partiakë pritet të shihet pas zhvillimeve të sotme.