Profesori universitar i Fakultetit Juridik të Universitetit të Prishtinës, Flamur Hyseni, ka reaguar lidhur me procedurën kushtetuese për zgjedhjen e Presidentit të Republikës së Kosovës.
Përmes një postimi, Hyseni ka theksuar se Neni 82.1.3 i Kushtetutës përcakton një afat prej 60 ditësh për përfundimin e procedurës së zgjedhjes së Presidentit.
Sipas tij, ky afat fillon të llogaritet nga dita e fillimit të procedurës së zgjedhjes dhe nuk mund të rrjedhë para fillimit të procedurës.
“Nga momenti i fillimit të procedurës, Kuvendi ka 60 ditë për zgjedhjen e Presidentit”, ka shkruar Hyseni.
Ai gjithashtu ka sqaruar se Kushtetuta përcakton 60 ditë kohë për përfundimin e kësaj procedure.
