Ministri i Punëve të Brendshme, Xhelal Sveçla, në konferencë për media tha se është me protestuesit të cilët kanë protestuar për tri ditë radhazi për vrasjen e Arlinda Zekajt, raporton Ekonomia Online.
“Unë personalisht jam bashkë me protestuesit. Kuptoj edhe indinjatën dhe mllefin e protestuesve dhe po punojmë si institucione dhe të plotësojmë të gjitha ato kërkesa që kërkohen sipas ligjit që të parandalojmë përsëritjen e rasteve të tilla”, ka thënë Sveçla.