Ministrja e Drejtësisë, Donika Gërvalla, ka reaguar sërish lidhur me vrasjen e 49-vjeçares Arlinda Zekaj, duke rikujtuar se institucionet e drejtësisë kishin qenë të informuara për dhunën dhe kërcënimet ndaj saj.
Në një publikim në rrjetet sociale, Gërvalla ka shpërndarë një pjesë të deklarimit të saj të bërë ditë më parë në konferencë për media.
Ajo ka shkruar se Prokuroria ishte informuar për dhunën dhe kërcënimet ndaj Arlinda Zekajt që nga 10 korriku.
Sipas Gërvallës, më 23 tetor, vetëm dy ditë para vrasjes, edhe kryeprokurorja ishte njoftuar me shkrim se Zekaj kishte raportuar një kërcënim të drejtpërdrejtë me vrasje nga Albert Sylaj.