KF Llapi ka njoftuar për vazhdimin e bashkëpunimit me Kushtrim Shabanin.
Mesfushori ka zgjatur kontratën me llapjanët edhe për dy sezone të tjera, shkruan Gazeta Express.
Shabani pjesën më të madhe të karrierës e ka kaluar te klubi i Llapit.
Ai ishte te ky klub nga viti 2014 deri më 2019, për t’u rikthyer pastaj në vitin 2020.
25-vjeçari ka luajtur edhe te Hysi, Prishtina e Gjilani.
Njoftimi i plotë nga KF Llapi:
“Lideri i mesfushës, Kushtrim Shabani edhe 2 vite tjera me ne
Kemi kënaqësinë t’iu njoftojmë se kemi arritur marrëveshje për vazhdimin e kontratës edhe për 2 vite tjera me mesfushorin defanziv, Kushtrim Shabani.
Shabani, tash e dy edicione radhazi pjesë e klubit, si dhe pjesë e klubit edhe nga viti 2014-2019, ka qenë lider i pa diskutueshëm i ekipit duke dhënë kontribut të çmueshëm në arritjen e sukseseve, duke arritur të fitojmë 2 herë Kupën e Kosovës dhe 1 herë Superkupën.
Tashmë kur ekipi gjendet në procesin e përgatitjeve për ndeshjet e Evropës, rinovimi i kontratës me Kushtrim Shabanin edhe për dy edicionet e radhës, është më se i mirëseardhur!
25 vjeçari me Llapin në total ka zhvilluar 155 ndeshje, përfshirë ndeshjet në Superligë, Kupë, Superkupë dhe Evropë, duke arritur të realizoj 9 gola e 7 asistime në 11.306′ minuta të luajtura.
Vazhdojmë KUSHTRIM”. /Gazeta Express/
The post Kushtrim Shabani nënshkruan kontratë të re me Llapin appeared first on Gazeta Express.