Një fëmijë ka vdekur si pasojë e lëndimeve të marra nga një aksident që ka ndodhur në Mitrovicë.
Viktima ka qenë me biçikletë me ç’rast është goditur nga vetura në rrugën “Shaban Polluzha”.
Këtë e ka konfirmuar edhe zëdhënësi i Policisë së Kosovës për rajonin e Mitrovicës, Avni Zahiti.
“Rreth orës 19:00 është raportuar se në rrugën “Shaban Polluzha” Në Mitrovicë, ka ndodhur një aksident trafiku me pasoja fatale. Në këtë aksident kanë qenë të përfshira, një veturë dhe një biçklist. Si pasojë e aksidentit dhe lëndimeve të pësuara ka humbur jetën viktima-biciklisti i moshës pesë (5) vjeçar”, tha Zahiti.
Po ashtu, Zahiti njoftoji se organet kompetente kanë dalur në vendin e ngjarjes.