Një superjaht afër 40 metra u fundos në brigjet e Italisë Jugore të shtunën. Por, fundosja ndodhi pasi anëtarët e rojës bregdetare italiane shpëtuan nëntë personat nga anija që po zhytej.
Shtypi italian këtë fundjavë raportoi se jahti motorik “My Saga” është fundosur në brigjet e Catanzaro Marina, derisa pamjet u publikuan sot.
Videoja nga vendi i ngjarjes tregon varkën masive duke u zhytur në ujë përpara se të fundosej plotësisht.
Sky News raportoi se përkeqësimi i kushteve të motit e bëri të pamundur që një rimorkiator shpëtimi ta kthente jahtin në mënyrë të sigurt, .
Një hetim mbi atë që shkaktoi fundosjen e anijes është duke u zhvilluar.
Jahti u ndërtua në Itali në vitin 2007 sipas Super Yacht Times dhe po udhëtonte nga Gallipoli në Milazzo.