Alicia Keys është kthyer me këngë të reja.
Kantautorja 41-vjeçare publikoi, të premten, albumin për Krishtlindje “Santa Baby” dhe videoklipin e këngës “December Back 2 June”.
Në këtë videoklip shihet Keys e cila ka organizuar një festë për më të dashurit e saj.
“Atmosfera perfekte për këtë sezon. Ejani të festoni me mua në shtëpinë time”, ka shkruar ajo në Instagram.
Santa Baby është albumi i parë i Keys kushtuar festave të fundvitit. Ai përmban interpretimet e Keys të këngëve klasike të festave dhe këngët origjinale “Favorite Things”, “You Don’t Have to Be Alone”, “Old Memories on Christmas” dhe “Not Even the King”.
Keys publikoi albumin e saj të tetë, Keys, në dhjetor të vitit 2021.