Këngëtarja britanike Christine McVie, e cila ishte pjesë e bandës së rock-ut “Fleetwood Mac” ka ndërruar jetë në moshën 79-vjeçare, raporton BBC. Ajo vdiq paqësisht në një spital në shoqërinë e familjes së saj. McVie u largua nga Fleetwood Mac pas 28 vitesh në 1998, por u kthye në 2014.
“Në emër të familjes së Christine McVie, me zemër të rëndë po ju informojmë për vdekjen e Christine. Ajo ndërroi jetë e qetë në spital mëngjesin e sotëm të mërkurës, 30 nëntor 2022, pas një sëmundjeje të shkurtër. Ajo ishte në shoqërinë e familjes së saj.
“Ju kërkojmë me mirësi që të respektoni privatësinë e familjes në këtë kohë jashtëzakonisht të dhimbshme dhe dëshirojmë që të gjithë ta mbajnë Christine në zemrat e tyre dhe të kujtojnë jetën e një qenieje të jashtëzakonshme njerëzore dhe muzikantes së nderuar që u dashurua universalisht.”
Foto Christine McVie:
