Bashkimi Evropian ka dërguar 40 gjeneratorë të mëdhenj në Ukrainë për të furnizuar spitalet e vendit, njoftoi presidentja e Komisionit Evropian, Ursula von der Leyen.
“Kjo ndihmë vjen për të siguruar furnizimin me energji elektrike për 30 spitale në Donetsk, Dnipropetrovsk, Zaporizhzhya, Mykolayiv dhe Kherson”, tha Von der Leyen në një konferencë ndërkombëtare në Paris për të mobilizuar ndihmën për Ukrainën, shkruan ATSh.
“Njëqind gjeneratorë më të vegjël u dërguan gjithashtu nga Franca, 19 nga Sllovakia, 23 nga Gjermania, 52 transformatorë nga Lituania dhe katër sisteme të energjisë emergjente nga Polonia”, thuhet në një deklaratë të Komisionit.
”Kjo sasi i shtohet 800 gjeneratorëve të dërguar në Ukrainë që nga pushtimi i Rusisë. Furnizimet u kanalizuan përmes mekanizmit të mbrojtjes civile të bllokut, një platformë për koordinimin dhe ndarjen e burimeve emergjente”, theksoi Komisioni.