Gary Neville ka pohuar se Ousmane Dembele luajti si një djalosh i vogël në finale të Kampionatit Botëror në Katar.
Les Bleus humbën pas ekzekutimit të penalltive në njërën prej finaleve më spektakolare dhe dramatike, në të cilën u realizuan gjashtë gola.
Trajneri Didier Deschamps e largoi nga loja anësorin e Barcelonës që në minutën e 40-të, pasi paraprakisht kishte shkaktuar penallti dhe nuk ishte në krye të detyrës.
(Foto: Getty Images)
Ndërkohë, eksperti i futbollit, ish-mbrojtësi i Manchester Unitedit dhe Anglisë, Gary Neville, e ka kritikuar paraqitjen e tij derisa e mbulonte ndeshjen në ITV Sport.
“Është patetike. Dembele, e di se është lojtar anësor, por sinqerisht, ndërhyrja e tij e parë…dihet se çfarë do të bëjë Di Maria, ai e ka bërë këtë qe 10 vjet. Dembele luajti si djalosh i vogël”.