Një 28-vjeçar ka vdekur sot pas lëndimeve që ka pësuar nga goditja me veturë gjatë ditës së djeshme.
Rastin e ka konfirmuar zëdhënësja e Policisë për rajonin e Prishtinës, Flora Ahmeti.
“Sot rreth orës 03:30 e kemi pranuar informatën nga QKUK, se ka ndërruar jetë këmbësori A. J. 28 vjeç. Bëhet fjalë për këmbësorin cili u aksidentua me datën 31 dhjetor 2022, rreth orës 17:00, në rrugën “Fahri Fazliu”, në Prishtinë”- ka thënë Ahmeti.
Në raportin policor, thuhet se një person nga pakujdesia kishte goditur një këmbësor.
Viktima ishte duke u trajtuar në QKUK.