Një aksident i rëndë ka ndodhur sot në mesditë në fshatin Gllaviqicë në magjistralen Pejë-Prishtinë, ku kanë qenë të përfshirë një autobus dhe një veturë, e si pasojë e të cilit një person ka pësuar lëndime serioze.
Lajmin e ka konfirmuar zëdhënës i Policisë Rajonale të Pejës Fadil Gashi.
“Rreth orës 12:55 policia është njoftuar për një aksident në magjistralen Pejë-Prishtinë, konkretisht në fshatin Gllaviqicë. Aksidenti ka ndodhur mes një autobusi dhe një veture. Një person është lënduar dhe ka pësuar lëndime serioze, është dërguar në emergjencën e Spitalit Rajonal”, deklaroi Gashi