Varësia nga droga në Kosovë sa vjen e shtohet dhe kjo dëshmohet çdo ditë me kapjen dhe arrestimin e dhjetëra personave konsumues e shpërndarës të substancave narkotike. Shitblerja e drogës shpesh bëhet edhe në grupe që përbehen nga të rinjtë, të cilët veprojnë kundërligjshëm, dukë bërë shpërndarjen e drogës, raporton Sinjali.
Për disa raste të tillë, Njësia e Antidrogës në Gjilan ka zhvilluar mbrëmë disa bastisje, që kanë rezultuar me sekuestrimin e sasive të ndryshme të drogës, si dhe arrestimin e disa personave. Burimet thonë se edhe një person tjetër është arrestuar mbrëmjen e së mërkurës në Gjilan.
I dyshuari që u kap në rrugën “Ilmi Kallaba” në Gjilan është A.J., në shtëpinë e të cilit u krye bastisje, ku u gjetën rreth 1 kg marihuanë, si dhe një peshore për majën e substancave narkotike. Droga është sekuestruar nga Policia, kurse i dyshuari është shoqëruar në stacion policor për intervistim.
Ndaj tij, Prokurori i Shtetit ka urdhëruar masën e ndalimit policor, në kohëzgjatje prej 48 orësh dhe dorëzimin e kallëzimit penal brenda afatit ligjor.
Sipas informacioneve që ka Sinjali, të rinjtë që ishin cak i Policisë dyshohen se kanë bërë shitjen e drogës në disa lagje të qytetit të Gjilanit dhe u kapën pasi u identifikuan nga Policia, nën dyshimin se merren me këtë veprimtari.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.