Gazetarët nuk lejohen të futen në objektin e FFK-së ku do të mbahet Kuvendi i Jashtëzakonshëm

Kjo pritet të ndodh për shkak të kërkesës nga Komisioni për Vlerësim dhe Licencimin të Federatave Sportive në kuadër të Ministrisë së Kulturës, Rinsë dhe Sportit.

Megjithatë, FFK-ja nuk e ka bërë të qartë se ku dhe në çfarë ore do të mbahet ky Kuvend i Jashtëzakonshëm, gjë që ka nxitur edhe reagimin e Asociacionit të Gazetarëve të Kosovës.

Asosacioni i Gazetarëve të Kosovës mbrëmë i ka bërë thirrje Federatës së Futbollit të Kosovës që Kuvendin e Jashtëzakonshëm ta organizojë të hapur edhe për mediat.

Megjithatë, as kjo gjë nuk ka ndikuar që FFK të ndryshojë vendimin, me gazetarët që as sot deri më tash nuk janë lejuar që të futen brenda objektit.