Lëvizja Vetëvendosje – Qendra Prishtinë i ka kritikuar PDK-në dhe LDK-në për ngritjen e çmimeve të biletave të autobusëve urbanë.
Sipas kësaj lëvizjeje, PDK-ja në fushatë zgjedhore kishte premtuar transport publik falas.
Sipas VV-së, nga premtimi për transport falas u arrti te transporti 25 për qind më i shtrenjtë.
“Partia Demokratike e Kosovës gjatë fushatës zgjedhore në Prishtinë premtonte transport publik falas. Drejtorinë e Shërbimeve Publike, e ku përfshihet transporti publik, në Komunën e Prishtinës e udhëheq PDK-ja. Sot, Komuna e Prishtinës njoftoi se çmimi i biletës së rregullt, prej datës 31 janar, pra nesër, do të jetë 25 për qind më i lartë”, ka shkruar kjo lëvizje në Facebook.
“Kjo është PDK-ja, ky është koalicioni LDK-PDK që qeveris me Prishtinën”, thuhet tutje.