Një ngjarje e rëndë ka ndodhur paraditen e sotme në Prishtinë, ku një i ri ka humbur jetën në mënyrë të papritur.
Brenda Emergjencës kanë bërë me dije që kanë pranuar thirrje për ndihmë, pasi që një person në kompaninë e call center ‘Teleperformance’, ishte pa ndjenja dhe dyshohej se ishte në rrezik për jetën.
Lidhur me rastin është njoftuar edhe Policia e Kosovës të cilët kanë dalë në vendin e ngjarjes, ku në kuadër të veprimeve hetimore kanë marrë pamjet e kamerave të sigurisë dhe kanë intervistuar dëshmitarët e rastit.
Sipas recepsionistes së kompanisë e cila ishte duke i kryer fotografitë e të ndjerit për ta pajisur atë me kartelën që i mundëson hyrje-daljet në objekt, i ndjeri ka pasur marramendje dhe është rrëzuar në tokë.
Po ashtu prezent ishte babai i të ndjerit i cili ka thënë se djali i tij ka pasur edhe më herët telashe shëndetësore dhe ka refuzuar që trupi i tij të dërgohet për obduksion.
Kjo për shkak se vdekja e viktimës ka ardhur nga shkaqe natyrore.
Bëhet fjalë për një person të moshës 28-vjeçare, teksa do t’iu mbajë të informuar me detajet e reja lidhur me rastin.